اہلسنت والجماعت اور ضمنی الیکشن

اہلسنت والجماعت اور ضمنی الیکشن ۔ تحریر (ابو الحسن)

تاریخ و وقت: 2014-04-28 13:00:00

ایک عرصہ تھی مذہبی جماعتاں شدت پسندی اور دہشت گردی نا لیبل لگا وا۔ اِس امیج کی ٹھیک کی،تے واستے علماء میانہ روی اور مہذب انداذ وِچ کَم کرنے ناں پروگرام بنایا واہ ۔ کافی عرصہ پہلے،یاں تک علماء صرف مسجد (مسِیت )اور مدرسے،آں تک محدود ایسے۔ لیکن حالات نِی روش نے مطابق علماء سکولاں نِی تعلیم اور سیاسُت نِی طرف وی آئے۔ اے ایک بڑا اچھا اقدام آ کہ علماء دین نال عصری علوم تھی وی واقف ہُن۔ اِس ٹیم علماء نِی ایک بڑی تعداد دس نظامی نال ایم۔اے نِی ڈگری نِی حامل اِی۔ اور بہت سارے پرائیویٹ طور اُپ،ُپُر پڑھے کی لگے،اوئے۔ اہلسنت نے ہر دلعزیز رہنماء حافظ اقرار اور درس نظامی نال ایل۔ایل بی نے سٹوڈنٹ وی رہی چُکے۔ اگر حالات سازگار ہونے تے شاید آئی او کی،سہ جائی ہُن آر۔ چنانچہ اُن،نا مخدوش حالات وچ تعلیم کی خیر آباد آخی تہ۔ عملی زندگی نِی طرف آئے۔ اور اقراء سکول نِی بنیاد رکھی۔ جیڑا اِس ٹیم پنڈی اسلام آباد کشمیر اور اطراف وِچ ایک بڑا نٹ ورک بنی چُکا۔ اس وِچ دینی تعلیم نال بچے،آن، کی دنیاوی تعلیم اور حفظ کَر،را،یا گشنہ آ۔ 2013 نے الیکشن وِچ حافظ اقرار اور پہلی وار دوستاں نِے آخے، ایر سیاسُت نِی طرف آئے اور ایک ہَل،چل مچائی شوڑی نے۔ ایک مڈل کلاس یا اِس تھی وی کم مالی پوزیشن نا آدمی وقت نے دولتمنداں اور۔ ۔ ۔ نے مقابلے،وچ آیا اگرچہ بظاہر تے اُن،نا ۔ اِی،اے آخے آ کہ اساں کی اِس نال کوئی فرق نا پہ،ناں لیکن مختلف صحافی گواہ ،اے کہ اُن،ناں کی آخے،یا، گا کہ اِس حافظ اقرار کی کوریج نہ دے،او۔ اس ٹیم جہدوں سردار مہتاب اوراں نے استعفی تھی بعد سیٹ خالی ہوئی تہ ۔ حافظ اقرار اور خالی ہتھ فِر میدان وِچ اچھے تائیں تیار ہوئی گے۔ اُن۔نا میٹنگاں شروع کری کِن،دی،اے،سِی،یاں۔ لیکُن اس تھی پہلیاں کہ حافظ اور کاغذات نامزدگی جمع کرآن ۔ اُن،ناں کی گرفتار کی،تا گا۔ حالانکہ او ایک معتدل مزاج اور ڈائیلاگ اُپ،پُر یقین رکھے والے آدمی سے۔ اُن،نا نا شدت پسندی اور تفرقہ بازی نال عملی طور اُپ،پُر کوئی تعلق نَس،سا۔ بہر حال اُو گرفتار ہوئی گے۔ تہ ہُن اہلسنت فیصلہ کِی،تہ کہ پِچ،چے نہ ہٹنا ۔ بلکہ اپنے کی،سہ اور آدمی،ایں کی سامنے اَن،نا وا۔ اس ٹیم اہلسنت نے پنج بندے وے جِناں وچ،چا کوئی ایک سامنے آندا گے،سِی۔ مولوی عثمان بیروٹ ، قاری عبد اللہ دلولہ، محسن خان ایوبیہ صدر الفاروق یوتھ ونگ ،افتخار عباسی سُرجال اور حافظ حسان ترمُتھیاں۔ اہلسنت ناں پک،کا تہیہ وا کہ اُو کِی،سہ صورُت وِچ وی میدان ہُن خالی نائے چھوڑنے وے۔ تاکہ علماء عوام نِی دینی رہنمائی نال سیاسی ہنمائ ناں وی کردار ادا کر،رُن۔

یونین کونسُل بیروٹ :

یونین کونسُل بیروٹ : ۔ ۔ تحریر: ۔ ۔( ابو الحسن )

تاریخ و وقت: 2014-04-23 14:00:00

میں کَل ایک تحریر پوسٹ کی،تِی اے،سِی جِس وِچ لِخے،یا۔سا کہ بیروٹ وِچ سو فیصُد لوک پڑھے ہوئے وے۔ تہ آفتاب صاحب مولی،یہ والے،آن کمنٹس وچ آخے،آ کہ ہاں ڈرائیور ۔ ۔ ۔ کہ میں پچ،چھے ناں حق رکھنا،ہس کہ ڈرائیور وی معاشرے نِی ضرورت اِی۔ اِی،یہ طعنہ ایک وار سعید صاحب وی باسیاں جلسے اُپ،پُر دِت،تا اس،سا۔ کہ تعلیم اِس ی آخنے کہ ہر آدمی پی،ایچ ڈی وے یا ہر آدمی سرکاری ملازم وے۔ تعلیم تھی مقصد شعور آ ۔ اور اُو شعور ہر آدمی اپنی استطاعت نے مُطابُق کِن،نا واہ۔ اللہ ناں شکُر آ کہ یونیں کونسُل بیروٹ وِچ تعلیم نے اعتبار نال پی،ایچ ،ڈی اور ایم،فُل والے لوگ اور پیشہ نے اعتبار نال تقریبُن ہر فیلڈ وِچ لوگ موجود اے۔ حالانکہ پڑھنے ناں کوئی ماحول نہ۔ سہولتاں موجود نہی،آں۔ اَس اپنا موازنہ اسلام آباد ایبٹ آباد نے وکان نال نہ کراں ۔بلکہ قیب نے علاقے،آ نال کراں۔ ویسے اگر دیکھے،یا گچھہ تے سارے لوکان نا پڑھنا وی کوئی ضروری نہ بلکہ کچھ لوگ وی پڑھی لخی گچھ،ہُن تے کافی اے۔ اللہ وی آخنے ایک جماعت وے جےڑِی لخنا پڑھنا سیکھہ اور فِر اچھی تے اپنے لوکان کی سکھائے۔ اِس،سہ طرح اللہ لوکاں نا معاش وی مختلف طرح نا رکھے،آ تاکہ لوگ ایک دُو،وے کی کَم اَچ،چُھن ذرا سوچو کہ اگر سارے پڑے لخے ہُن تے فِر اَساں نے کم کُن کر،رہ۔ باقی فِر کُوتے لِخ ساں۔ بعض دوست آخ،نے کہ مختصر لخیا کراں۔

Copyright © 2014 طلوع نیوز.

پی،کے 45 موروثی سیاست یا الزام تحریر (ابو الحسن)

تاریخ و وقت: 2014-04-27 16:00:00

اے حقیقُت اِی کہ سرداران ملکوٹ تھی پہلیاں اساں نِی کوئی پہچان نَس سِی خان اچھی تے ووٹاں نے ٹیم توکو ،موکو کری تے چلے گش،نے اس،سے۔ اور بقول سعید عباسی امیر جماعت اسلامی ضلع ایبٹ آباد ۔ اساں ناں کوئی ایبٹ آباد بیکری /کیک رس کھوائی تے آخ،نے اَس،سے کہ تُسی بہلے کہ۔رہ کو جُل،لُو ہُن مُڑ کے نہ آیُو۔ یہ تو سرداروں کی مہربانیاں یاں کہ اُو آئی اساں نے بچہ کی وی صحیح کری تہ مِل،نے وے سرداراں بڑی عمری نے ساے لوک جاننے وے کہ جہدوں او ایبٹ آباد گشنے اس،سے تہ اُن،ناں نال کہ رویہ اپنایا گشنا سا۔ کوئی کشمیری ہونے نا طعنہ دینا سا اور کوئی پنجابی ہونے نا۔ سردارں اپنے علاقے نِی ہر مُمکن خدمت کی،تی۔ اپنا علاقے نَی بے،عزتی ائی ہُن دیتی۔ کل یا ایک صاحب آخُن لگے کہ میں سرداراں آخے،آ کہ سردار جی پشاور یونیورسٹی سرکل بکوٹ نا کوٹہ مقرر کراؤ تے سرداراں آخے آ کہ کوٹہ پسماندہ علاقے،آں نا ہونا آ میں کوٹہ کِن،نِی تے اپنے علاقے کی پسماندہ نَس لِخانہ چاہنا۔ سرداراں کافی علاقے آں وَچ سڑکاں ا بناوائیاں جتھے شاید اگلے 50 سال وِچ وی کوئی بنائے نا ناں وِی نَس،سا کَن نا۔ اے الگ گل اِی کہ اساں نے باؤں سارے کَم ہُن وی باقی اے۔ سکولاں کی ضرورُت کالج ہسپتال ڈسپنسریاں لائبریاں وافُر مقدار وِچ پانی کی ضرورت کھیڑے نے گراونڈ اور موجودہ دور وِچ سیاحتی جگہ کی فروغ ۔ ہنر سیکھائے والے ادارے وغیرہ۔ سرداراں اُپ،پُرر ایک اے الزام آ کہ اُو سیاسُت کی اپنے خاندان تھی باہر نائے نِکلُن دینے۔۔ ایتھں سوال اے آ کہ کیا اساں چاہ آئی تک کِیسہ سوال وی کی،تہ ایم،این،اے یا ایم،پی،اے بنے ناں مَڑی معلومات نے مطابُق جتنے لوگ الگ ہوئے تے اُو کاروباری بُنیاد یا کی،سہ کیس،وغیرہ نِی وجہ نال ہوئے۔ او فِر مخالُف گروپ نال مِلنے گے۔ دو،وے نمب اے گل اِی کہ اگر تُس سرداراں نال ناراض اے،او کہ او سیاست کی اپنے خاندان وچ،چا اہ نائے نکلُن دینے تے تُس اپنا گروپ بنائی تہ اپنا امیدوار سامنے ان،نُو۔ اے کہ یا کہ رُس،سی کہ فِر اُس،سہ گندہ،وِچ جِس کولا نَس،سے اس،سے آں۔ میں سرداراں نِی حمایت وچ نَس لخناں بلکہ تُساں کی آخ،نا۔ہس کہ سوچی سمجھی تہ اگلا قدم چاہو۔ ایک وار فِر اَس اُس غلامی نِی طرف ناں گچھاں۔ امید ہے کہ آپ نے ہے کالم پڑھیں گے۔ جو دوست پں وہ ضرور لائیک کیں اور جو متفق ہیں وہ آگے شیئر بھی کر دیں۔

سرکل بکوٹ کے مسائل:

سرکل بکوٹ کے مسائل: تحریر ( مفتی عباسی)

تاریخ و وقت: 2014-04-27 18:00:00

گورنر: سردارمہتاب وزیر تعلیم: مشتاق غنی ایم،این،اے : ڈاکٹر اظر جدوں ایم،پی،اے: نامعلوم یہ آپ کے حلقہ کا سکول ہے۔ یونین کونسل بیروٹ ،ویلج کونسل باسیاں، جو 2005کے زلزلےمیں تباہ ہو گیا تھا۔ بعد ازاں ایراء نے اس کی عمارت کو گرا کر نئی عمارت بنانے کا ٹھیکہ دیا۔ اس کی چادریں اور سامان فروخت کیا گیا۔کچھ تعمیر کے بعد یہ کہ کر کام بند کر دیا گیا کہ ایراء کے فنڈز سندھ کے سیلاب ذدہ علاقے میں منقتل ک دیئے گئے ہیں جس کی وجہ سے مزید تعمیر نہیں ہو سکتی۔ اب سوال یہ ہے کہ کیا کے،پی،کے حکومت ترقیاتی کام صرف ایراء فنڈز سے کرتی رہی ہے۔؟؟ اس کے علاوہ حکومت کے پاس کچھ نہیں؟ دوسرا سوال یہ ہے کہ اُس وقت ہمارے منتخب نمائندوںنے یہ فنڈز کیوں منتقل ہونے دیئےتھے؟ کیا یہ لوگ مصیبت ذدہ نہیں تھے؟ اگر زردای صاحب کو اپنے صوبے کے لوگوں سے ہمدردی ہے اور وہ پورے ملک کے فنڈز سندھ لے جا رہے تھے تو ۔۔۔۔۔۔ ہمارے منتخب نمائندوں نے ہمیں بھی بکریاں سمجھ رکھا ہے کہ بس کسی نے پوچھنا نہیں۔ تیسرا آج ہمارے منتخب نمائندوں سے جب ان سکولوں کی تعمیر کی بات کی جاتی ہے تو فورا جواب آتا ہے کہ ایراء کے پاسفنڈز نہیں۔ اب سوال یہ ہے کہ کیا یہ کہنے سے وہ بری الذمہ ہو جاتے ہیں۔؟ اب پھر الیکشن آ رہے ہیں۔ کیا عوام اب بھی آنکھیں بند کر کے اپنے حقوق پر ڈاکہ ڈالنے والوں کے پیچھے چل پڑے گی۔ ۔ ۔ ۔ ۔ ۔ یہ گورنمٹ مڈل سکول باسیاں کی بلڈنگ کی تصاویر ہیں جو 2005 سے زیر تعمیر ہے۔

سرداراں ناں ذِکُر تحریر

سرداراں ناں ذِکُر تحریر ( ابو الحسن)

تاریخ و وقت: 2014-04-19 19:00:00

سردار مہتاب اوراں نے بارے باوں سارے لوگ لِخِی چُوکے۔ عبید اللہ علوی اوراں ان ناں نے باریچ انگریزچ لِخےآ۔ اخباراں وچ وی بآں کچھ اچھی رے،آ سرداراں کی الیکشناچ بڑا دھچکا لگا ایسا ۔ اُس ویلے تھی یو گل چلنی ایسی کہ سردار گورنر بن سُن۔ لیکُن سداراں اِس باریچ کوئی گ نہیں کی تی۔ اخباراںچ کافی وار آیا فِر سردااں نِی طرفہ انکار کہ میں گورنُر نَس بننا۔ اے ناں پتہ کہ کِس گلا نہ کرنے ایسے۔ شاید اے پہلا بندا جِس کی عہدہ لب،ناں ایسا تے آخ ناں ایسا کہ میں نَس کن،ناں یُو عُہدہ۔ بہرحال ہُن گورنر بنِی گے۔ اِس وچ شک نا کہ سرداراں ایساں نی پہچان بنے۔ اِنہَاں تھی پہلے،آں کوئی آساں کی کشمیری آخ،نا ایسا اور کوئی پنجابی۔ ایبٹ آباد والے ایساں کی کِسَہ کھاتےچ شمار یہ نس،سے کرنے۔ دووے نمبرر سداراں ایساں نے بہاؤ سارے کم وی کِیتے روڈاں شوڈان ،پانی آیں نے پیپ ، لیکُن کوئی وی کم آخری نا ہو نا کہ بس ہُن جان چھٹی گئی۔ لوکاں کی سرداراں کولا یُو شکایت ہی کہ سردار راں کُول جہدوں وی گچھو او آخ،نے کہ میں میڑُٹ تھی ہٹ،ٹی تے کوئی کم نَس کرنا۔ لیکُن لوک آخ،نے کے اتھیں کے،ڑا کم میڑُٹ اپ،ُُر ہونا آ۔ لوگ آخ،نے کہ سردار کم نئے کرنے تے ٹالی شوڑنے۔ جی،آں میں آخے آ کے ایساں نے کم ختم نہیں ہوئی گے ۔بہاؤ سارے کم باقی ہے۔ سرکُل بکوٹ وچ بکوٹ تے مولیا شولی آے نے نک،کے ایبٹ آباد اور باسیاں بیروٹ نے نک،کے مری کالج وج گشنے، آساں ناں کوئی بیمار ہوئی گچہ تے ۔سب تھی نزدیک مظفر آباد مری اور ایبٹ آباد اے۔ جتھ تھیں گچ چھ تائیں جیوچ کم تھی کم دس ہزار روپیہ وے تے فیر آدمی کر،را ٹر،رے، خاص کری تے حادثہ ہوئی گچ چھ تے فِر بڑی مصیبُت بنی گشنی۔ (اپیل بعض الفاظ آج کل کے اعتبار سے استعمال کیے گئے ہیں،جن دوستوں کو ان کے متبادل اپنے پرانے لفظ آتے ہوں وہ ضرور لکھیں۔ اس طرح ہم اپنی زبان کو زندہ رکھ سکے گے انشا ء اللہ ) والسلام

ضمنی الیکشُن نے امید وار: حافُط اِقرار اور۔

ضمنی الیکشُن نے امید وار: حافُط اِقرار اور۔ ۔ تحریر: (ابو الحسن)

تاریخ و وقت: 2014-04-21 12:00:00

جِس طرح میں پہلے،آن آخے،آ کہ نون نِی طرفہ آئیں،یے،تک کوئی پکا ناں سامنے نہ آیا البتہ تےرا ناں چلے کی لگے ہوئے۔شمعون اشتیاق/ فدا اور سرداراں نا جاںوائی۔ ہُن نہ پتہ کہ کِس کِی او سامنے اَن،سُن۔ پی،ٹی،آئی نی نِی طرفہ پہلیاں علی جدوں نا نا سامنے آیا ایسا۔ یکُن ماڑے پشلے کالم اُوپُر کومٹس وِچ آخے،یا گا کہ اَس بیروٹ تھی بندا اَن،ساں۔ ہُن نہ پتہ کہ کیڑا بندا سامنے ایسِی تیری،اے نمبرر جماعت اسلامی والے وے اُن،ناں تے اپنے ضلعی امیر سعید اور ترمٹھیاں والے ۔جِن،نا،نا سکول آ اُن،نا کی سامنا اَن،نے،نا پروگرام آ۔ بلکہ کی،نی آئے۔ کل کُوتے پروگرام وی کی،تا نے۔ فوٹو لگے ہوئے اَس،سے۔ چوتھے نمبرر حافظ اقرار اور اے۔ ان،نا،نا تعلق ایوبیہ نال آ۔ اے بنیادی طور اوپُر مولوی اے۔ اِن،نا حفظ گرائیں تھی کی،تا۔اور فِر میٹرُک کری تے درس نظامی تائیں اسلام آباد پنجاب اور کراچی نے مدرسےآنچ پڑھنے رے۔ دوران طالب علم سپاہ صحابہ نال رہے ۔دو دفعہ سٹوڈنٹ نے صدر بنے اور پورے پاکستان نے طال علماں اِن،نا اُوپُر اعتماد کی،تا۔ اِنا،نا اپنی صدارُت نے دوران پورے پاکُستان نے دورے کی،تے اور اپنا مشن لوکان کی سمجھایا۔ اس،سہ دوراں مدرسہچ چا فارغ ہوئی تہ اسلامی یونیورسٹیچ داخُل ہوئے اور ایل۔ایل۔بی کر،رُن لگے۔ نال نال جماعتی کم وی کرنے رہے۔ اس دوران ان،نا کی ایک قت نے مقدمہچ گرفتار کی،تا گا۔ پنج سال جیل وَچ رہے اور آخر کار جُرم ثابُت نہ ہوئی سَکیا، تے رہا ہوئی گے ۔ پھر اِن،ناں اپنے کَم نا انداز بدلے،آ اور سکول،نی بُنیاد رکھی۔ اِن نا نا خیال یُو ایسا کہ تشدد نِی راہ تھی ہَٹ،ٹِٰی تے لوکاں کی دین نِی طرف آندا گچ،چھہ چُناچہ اِ ے اُن،نا 2000 وِچ سکول کی بنیاد رکھی ، سکول نا ناں اقراء وضۃ الاطفال تجویز کی،تا گا۔ اے سکول سسٹُم اقرار اوراں اپنے دوستاں نال مِلی،تے شروع کی،تا ایسا۔ ائی،آیں دو سال یہ ہوئے سے کہ اقرار اوان کی گرفتار کی،تا گا اور پنج سال جیل وِچ رے۔ ان،نا پنچ،جاں سال اُن،نا نے اُپ،پُر بہت تشدد وا ۔لیکُن ان،نا آخے آ کہ جیڑا کَم نہ کی،تا تے میں کِس طرحے آخاں کے میں کی،تا 2008 وِچ رہا ہوئے تے فِر اُن،نا کلر سیداں سکول شروع کی،تا۔ اِس ٹیم اُن،ناں نے سکولچ تقریبُن 300 بچہ پڑھنا واہ۔ 2013 نے الیکشُن وِچ اُن،نا حصہ کِن،دا چونکہ پہلی وار اے،سِی تے فِر وی 5000 ووٹ کِندے،نے۔ ہُن فِر اُن،ناں نا خیال اَس،سا کہ ووٹاں کھل،لُن لیکُن گرفتار ہوئے گے۔ اُن،نا نے معتقدین ہُن وی آخ،نے کہ او انشاء اللہ الیکشن وچ حصہ کِن،سُن۔ اے بڑی عجیب گل،لی کہ مولوی اگر اپنی سیدھی راہ اُپ،پُر وے تے آخ،نے کہ تشدد پسند اور ان پڑھ آ اور اگر او سیاسُت او سکولاں نِی طرف اچھے تے فِر وی اُس ناں گزارہ نا۔ بہر حال ایک اچھا قائدانہ صلاحیتاں نے مالُک او قابُل آدمی اے ۔آئی تک تک جیڑے لوگ اُن،ناں کی مِلی چُک،کے اُن،نا حافظ صاحب نی قابلیت اور صلاحیُت نا اعتراف کی،تا۔ باقی سیاسُت وچ ایسُن تے پتہ گ،سِی کہ او کہ،اے۔ نوٹ: یہ کالم کوئی تحقیقی نہیں بلکہ ایک ادبی شہ پارہ ہے۔اپنی زبان کی ترویج اور لکھنے کی پریکٹس ہے براہ مہرانی اِسے اس نظر سے دیکھا جائے۔ جہاں اردو کا کوئی لفظ استعمال کیا گیا ہے اور اس کا متبادل اپنی زبان مں موجود ہو تو اس کی نشاندہی کریں ۔ والسلام ۔ ۔ ۔

پی،کے۔:45 پنجتالی نے امیدوار سعید عباسی۔

 ۔ تحریر ( ابو الحسن )

تاریخ و وقت: 2014-04-22 12:00:00

میں اپنی زبانچ لخے ناں کَم شروع کیتا ایسا۔ آئی میں سعید اوراں نے باریچ لخنا،ںا اسا پَر نٹ،ٹَر کہ،وِی نا لب،با ۔ میں سعید اوراں ن فیس بُک آئی،ڈی اپ،پُر مسیج تے چھوڑے،آ کے کوئی نک یا کٹنگ وے تے دس،سُو۔ لحاظہ تفصیلی میں فِر کُوتے لخ،ساں سعید اور ناں تعلُق ترِیمُٹھیاں نال آ یونین کونسُل بیروٹ اے بُنیادی طور اُپُر وکیل اے اِن،ناں وکیلاں ناں کورس کراچی تھی ۔لیکُن جِس طرح عبد اللہ علوی اوراں لخے،آ کہ سردار ناکام وکیل ایسے اس،سہ طرح میں آخ،نا ہس کے سعید اور وی ناکام وکیل ثابت ہوئے۔ البتہ ان،ناں 1990 وچ ان،نِی تے سکول شروع کی،تا تے اِس وچ کامیاب رے، اِس ٹیم کم ازکم 4000 بچہ ان،نا نے سکولنچ پڑھنا واہ تنظیمی اعتبار نال اے جماعت اسلامی نال اے۔ جماعت اسلامی دینی نال نال سیاسی ور اُپ،پُر وی کم کرنی وی، اِس آس،تے اے سیاسی طور اُپ،ُر وی لگے رے۔ غالبُن 2001 وِچ اے پہلی وار کونسلُر نی سیٹ ٹَر کَھلتے اور پھر ناظم نا الیکشن وی لڑے ۔ شاید ان،نا نِی قسمُت وِچ ہانا لِخے،یا واہ کہ جیتے،نے قریب وی نائے گشنے۔ 2013 نے الیکشُن وچ اے صوائی اسمبلی نے امید وار بنے تہ تقربُن 5000 ووٹ کِن دی نے۔ ہُن فِر ان،نا نا اادہ وا کہ ووٹاں کَھلُن۔ تفصیل پھر کبھی انشاء اللہ