پی،کے 45 نے ضمنی الیکشن : کُن کِس نے سامنے۔ ۔ ۔ ۔ تحریر :۔۔ ( ابو الحسن )

تاریخ و وقت: 2014-04-25 12:00:00

گزشتہ 6 واری تھی پی،کے 45 نے کرتا دھرتا سردار اَس،سے ۔ اِس وِچ کوئی شک نہ کہ سرداراں کَم کی،تے لیکن سوشل ورک نِی کوئی انتہا نائی ہونی کہ ہُن بس ۔ 2005 نے زلزلہ اور لوکان کی اش،نے ناں موقع دِت،تا باہر رہ والے،آ اپنے سوشل ورک اور ناراض لوکاں نال مِلی تے سرکُل بکوٹ وِچ اپنی جگہ بنائی۔ اگ،گیں چلی تے او،وے ووٹان وی کھل،لی گے اگرچہ اُس ویلہ جیت،تی تہ نائے سکے لیکن ان،ناں پیر رکھے نی جاہ بنائی کِن،دی۔ 2013 وِچ اُن،نا ایکا کری تے سرداراں کی ایک پاسا تے آؤٹ کی،تا البتہ سردار اپنی پالیسی نال دوئی وکٹ بچائی گے۔ اس دفعہ جہدوں سرداراں استعفی دت،تا تہ اُو ایک واری فِر مکمل صفایا کی،تے نے چکر وِچ لگی گے۔ لیکن لگنا اے آ کہ بہت مشکُل ہی ان،نا تائیں۔ سرکل بکوٹ نے لوگ کہزا وی باہر نے آدمیئیں کی اپنے اُپ،پُر سوار نائے ہُن دین لگے۔ناراض اراکین نِی اکثریت پی،ٹی،آئی نِی طرف گئی اَس،سی۔ اُس ٹیم لوکاں کی اپنے نال مِلائے تائیں مخالفیں اپنا سوشل ورک ناں سہارا کِن،دا ایسا ۔اور آخنے اَس،سے کہ اَس تبدیلی اَن ساں۔ اور نال اے کہن ایک آدمی ایبٹ آباد ناں اور ایک اتھاں کِن ساں لیکُن اس ٹیم پارٹی نا ایک آدمی ایبٹ آباد نا تہ تھے،آ لیکن اُو دو،وا وی آخنے کہ ایبٹ آباد نہ یا ہوسِی۔ اِس اُپ،پُر ممکِن آ کہ پیِ، ٹی،آئی نے دررمیان اختلاف پے،ہِی،گچہ۔ کی،آن کہ ایبٹ آباد تھی علی اصغر نا ناں سامنے اچھے کی لگا واہ۔ اور اِی،را عبدالرحمان ۔ نذیر عباسی اور مبین عباسی وی تیاری وچ اے کہ اُن،ناں کی پاٹی ناں ٹکٹ دیت،تا گچ،چہ۔ امید ای کہ پی،ٹی،آئی سرکل بکوٹ اپنا حق اور مطالبہ منائی کِن سی۔ دوئی طرف بڑی پارٹی اِس ٹیم مسلم لیگ (ن) ای ۔ان،نا وی آئی،آیں تک اپنے امید وار ناں اعلان نہ کی،تا۔ اگرچہ لوکاں نِی آن چہ ماگوئیاں اے یہ کہ سردار شمعون یار خان سردار اشتیاق اور کاشف فدا وِچ،چا کی،سہ کی کھڑا کر،سُن۔ لگنا اے آ کہ اُو مقابلے نہ آدمی دیکھی تہ فِر اپنے آدمی،ایں کی سامنے ان،سُن۔