اَس اور اساں نے بڑے (لیڈر) ۔ ۔ تحریر ( ابو الحسن)

تاریخ و وقت: 2014-04-20 12:00:00

اساں،چا ہر آدمی تبدیلی چاہناں،آ لیکُن آپے،کی تبدیل کی،تَے تائں تیار نا۔ اساں نے اندر پیڈ چال زیادہ اور سوچے سمجھے والی گل کم ای۔ اَس ہر ویلے توبہ وی کرنے،آن اور فِر اُووے کم وی کرنے آن۔ خالی سیاسُت کی دیکھی کِن،آن کہ اساں نے لیڈُر اساں نال کہ کرنے۔ اَس آخنے رہنے آن کہ ہُن آئے تے یُو کر،ساں تے وہ کر،ساں لیکُن جہدوں ووٹاں اشنیاں،یاں،تے فِر اَس اُوآے جے ہوئی رہنے آن۔ اساں نے لیڈر ووڈان کی،نی تے گشنے تے فِر اگلی ووٹاں کول مُڑی اَش،شی تے 4 5 سالاں نے مرے ہوئے جتنے ہونے اُن،ناں سارے،نی دعا کھٹی کرنے تے اَس خوش ہوئی گشنے،آن کہ سردار، راجہ چوھدری ۔ ۔ ۔ ۔ ۔ ۔ صاحب ماڑے کھر دعا کِیتے آئے اَس،سے۔ اگر اس دفعہ ہر آدمی اپنی پارٹی نے آدمی کی پابند کرے کہ اگر تُو جیت،تی گے تے مہینچ ایک وار اپنے حلقے نِی ہر یونین کونسُل وِچ اے سے ۔ تائی یہ لوکاں نے مسائل نان،ناں کی پتہ وہے۔اس ٹَیم لوکاں نی کہ پریشانی۔ اساں ان،ناں لوکان کی ووٹ دئیشوڑنے،آں کہ جیڑے ایبٹ آباد او اسلام آباد تھی رہ اش،نے،یا نائے۔اُن،ناں کی کہ پتہ کہ لوکاں نال کہ ہوئی کی لگا وا۔ اے یاد رکھے نِ گل اِی کہ اَس جن،ناں کی ووٹاں دینے آن۔ او عوامی نمائندے آخان،وے۔ جِس ناں مطلب آ کہ او عوام نی خدمُت کر سُن۔لیکُن دیکھی کن،او کہ او خدمت کرنے یا کرانے؟ اس نے بدلیچ او بڑی بڑی تنخواہ گونمنٹ کولا کن،نے،وے ۔ کم،تھی،کم تنخواہ جیڑی کے،پی،کے وج ایک ممبُر نی،وی او ایک لاکھ،تے وی ہزار ہُن مقرُر ہوئی وی۔اور او آخنے کہ اساں نا اس وچ وی گُزارہ نا۔ پنجاب والےآن نَی تے اِس کولا وی زیادہ ،وی ۔ جہدوں او عوامی نمائندے بنی گشنے وے تہ ۃُن ان،نا تائیں جائز نہ کہ او سرکاری تنخواہ کن،نی تے اپنے کاروبار کرنے رہن، حضرت ابوبکر اور جیڑے صحابی ایسے او جہدوں مسلماناں نے امیر بنے تے آخُں لگے کہ ماڑا کاروبار ایسا ۔جس نال میں اپنا اور کر،رے والے،آن نا گزارا چلانا ای،سس ہُن میں او کاروبار نَس کری سکنا تے ماڑے تاہیں کوئی وظیفہ مقرر کرو تائیں یے ماڑا گزارا چلنا رہ۔ حضرت عمر اور راتیں اُٹھی تے دیکھنے ہونے اے،سے کہ کوئی آدمی پھوک،کھا نہ وے۔ اور اساں بڑے ان،ناں کی پتہ یہ نا لگنا کہ کُن مری گا پھوک تے دورے نی گل،ای۔ ہُن تُس دیول نی پَس دیکھی۔ کَن او شاہد صاحب پندہ تیآڑے،آن بعد دیول گے وے او وی روز اخبارنچ اشنا اس،سا کہ نئے آئے نائے آئے۔ فِر گے وے۔ اس طرح سدا وی اور وی ای۔یہجے وے۔ اِس گلہ سوچی سمجھی تے فیصلہ کرو کہ کِس کی ووٹ دینی اور کی،آن دینی۔او اساں نا کَم کری سکنا اور کرسی وی؟ پلیز کومنٹ میں غلطی کی نشاندہی کر دیا کریں۔ اگر پسند آئے تو شیئر بھی کر دیا کریں۔ شکریہ والسلام۔ ۔ ۔ ۔